XXIII. Poltsiko Antzerki Jaialdia maiatzaren 2tik 18ra Donostian

Poltsiko Antzerki Jaialdiak hogeita hirugarren edizioa beteko du 2014an, formatu txikiko proposamen zabala aurkeztuz hiriko hainbat gunetan. Maiatzaren 2tik 18ra, hamar antzezlan ikusteko aukera egongo da; guztira hogeitasei emanaldi. Sarrera doakoa da beti.

Proposamenen artean honako hauek nabarmenduko ditugu: Pepín Tre, Verdades como puños lanarekin; Gorka Aginagalde, El regrueso de Patxi: repartiendo a diestro y siniestro; El Gran Dimitri klownaren Great Circus Show: “un homenaje a la idiotez infinita”; Las XL, Abandónate mucho ikuskizunarekin; Las Torpedolevelen Extrañismos; eta Jon Zabal magoaren Pensamientos encontrados ikuskizuna.

2014ko jaialdi honetan euskarazko emanaldiak 13 izango dira; lau antzezlan hauek: sorkuntzarako deialdietan saritutakoa (Markesa Loukost Seiiru Taldearena); Euskararen espektakulue Oihan Vegarena, Ion Martinez Txikiren umorezko bakarrizketa: Mil a Zien. Baietz parrez lehertu! eta Kokakola eta barea Ramon Agirre & Inaxio Tolosa bikotearena.

Emanaldi guztien berri hemen: Poltsiko Antzerki Jaialdia.