| Festa-jantzi
dotoreenak soinean dituzten senar-emazte batzuek matxura izaten dute autoan
beren ilobaren ezkontzarako bidean. Emakumezkoa ezkontzako amabitxia izango
da, baina gizonezkoak ez du ezkontzara joateko inolako gogorik. Gertaera
ezkontza hasi baino minutu gutxi batzuk lehenago izan da. Gizonezkoak autoa
konpondu nahiko du, kosta ahala kosta, eta gogo bizi horrek ezkontideen
arteko sekulako liskarra eragingo du. Egoerak okerrera egingo du motorearen
barruan zerbaitek eztanda egiten duenean, eta are eta gehiago oraindik senarrak
autoa txikitzea erabakitzen duenean. Azkenean, udaltzaingoak eta garabiak
ikuskizunean parte hartuko dute Trapu Zaharra taldeak eragindako nahaspilan
nolabaiteko ordena ezartzeko. Probokazioa, umorea eta inprobisazioa barra-barra
Errenteriako konpainia ezagun honen eskutik. |
