dFERIA08ko Jarduera Paraleloak:
Erakusketak
Stars. Dantzaren Espainiar Izarrak: Kanpoan daudenak
Uztaila 3 - 13
Victoria Eugenia Antzokia
Hainbat artista, hala nola Angel Corella, Lucia Lacarra, Tamara Rojo, Jose Carlos Martinez, Urtzi Aranburu, Jone San Martin, Jesus Pastor, Carlos Pinillos, Igor Yebra, Joaquin de Luz, Amancio Gonzalez, Asier Uriagereka, Carlos López edo Iker Murillo, daude, besteak beste, erakusketa berezi honetan ikusgai. Denean, hogeita hiru argazki dira, 2,00 m x 1,50 m-koak, koloretan eta txuri-beltzean, lehen dantzarienak, merezimendu eta interpretazio-kalitatearengatik, atzerriko eszenatokietan garrantzi handia dutenak..
Las mujeres y el humor en las artes escénicas
EHUko Udako Ikastaroen barne
Uztaila 8 - 11
Zuzendaria: Virginia Imaz Quijera.
Oihulari Klown konpainiaren sortzailea. Donostia
SGAErekin lankidetzan.
Umorea erreferentziei zor zaie. Irudi luke barre eragiten diguna aurrez den erreferente baten handizkatze, distortsio edo transgresioarekin duela zerikusia. Pertsonok ez diegu gauza berberei barre egiten, gure kultura, jatorria, adina, etnia eta erlijioa, gizarte klasea edo kultura mailaren arabera baizik, eta emakumeok eta gizonezkook heziak izan garen erreferentzia-unibertsoak oso desberdinak izan direnez, bistan dena espero daiteke: umoreak ere baduela generoa eta emakume eta gizonok ez dugula nahi izaten, ahal izaten edo jakiten gauza berberei barre egiten.
Testuinguru horretan, ikastaro honek honako helburu hauek ditu:
- Umore kontzeptuaz eta umore motez gogoeta egin.
- Genero aldagaia sartu umorearen azterketan.
- Emakumeek arte eszenikoetara oro har eta komikotasunera bereziki sarbidea izateko dituzten zailtasunak agerian utzi.
- Emakumeek umorearekin duten lotura hirukoitza aztertu: emakumeak, umore gai; emakumeak, umore-hartzaile; emakumeak, umore-sortzaile.
- Emakumeen ekoizpen komikoetan behin eta berriz agertzen diren gaiak, motiboak eta komikotasunaren tratamenduak ezagutarazi.
- Ahanzturatik atera espainiar eszenan umorearen aitzindari izan diren emakumeak eta haien disidentzia etiko eta estetikoaren ibilbideak.
- Generoen barruko generoez eztabaidatu: emakume pailazoak, antzerki-komikoak, telebistakoak, zinekoak, komikikoak.
- Umore profesionalaren ikuspegi orokorraz jabetu: emakumeak gidoilari, eszena-zuzendari, aktore, programatzaile, antzerki-kritikari.
- Espresio-ariketen eta clown-inprobisazioen bidez, norberaren komikotasuna landu, zertarako eta genero-zentsurak indargabetzeko eta, hartara, norberaren trakeskeriekin bakeak egin eta geure ahal komikoa berraurkitzeko.