Zanguango Teatro taldearen seigarren muntaia dugu honako hau; umorezko ikuskizuna da, aurretik burututako ekoizpenen antzeko lan-lerroari jarraitzen diona, hala nola “A ver si podemos” eta “¿Y quién no?”. Oraingo honetan ere, giza portaera isladatzeko gaiak bildu nahi izan ditu konpainiak. “No me digas” lana, kontsumo-hazturetan eta megazentro komertzialek eragiten dituzten ondorioetan oinarritzen da istorioa. Zanguango taldearen esanetan, “gaur egun, gizakia kontsumitzailea da, sekula izan ez den neurri batean”. “No me digas más” lan honetan, konpainiak ironiaz eta modu dibertigarrian, gauza oro erosten eta saltzen den, eta gauza oro gezurra den munduan bizi diren eguneroko egoera desberdinak isladatzen ditu. Konpainia honen ekipo artistikoak ibilbide profesional luzea egin du, eta Zanguangon lanean hasi baino lehen, beste zenbait konpainatan lan egin dute, hala nola, Bekereke eta Trapu Zaharra; horrez gain, beste konpainia batzuen proiektuetan ere lankidetzan aritu dira, esate baterako, Pikor, La Tirili, La Tartana, Ur eta Lavi e bel.

Banaketa: Zanguango Teatro
C/ La Rana, 1
37797 Forfoleda (Salamanca)
Tfno. / Fax: 923 321541
Correo electrónico: [email protected]