Zalantzan jar daitekeen talentua duen aktoresa bati bere bizitzako aukerarik onena iritsi zaio: “El Crepúsculo de los Dioses” lanean Brunildaren papera antzeztu behar du. Eszenategira ateratzeko orduan, okerreko bidea hartu eta antzokiko korridoreetan barna murgiltzen da .... inkisidore batekin topo egiten duen arte; inkisidore hau aktoresaren karrera aztertzen hasiko da. Lan honetan akatsa bera baino zerbait gehiago isladatu nahi da. Gizakiaren barrenera sartzen da. Gizakiak, bere burua behar bezala gauzatu ahal izateko ematen dituen alperrikako jira-birei buruz hitz egiten digu. Brunildari dagokionez, benetan nahi al du bere bizitzako paperik garrantzitsuena interpretatu? Azken finean, ba al du bere buruarengan konfidantzarik? Gizakiak bizi duen gatazkaren gogoeta hau, nork bere burua aurkitzeko egin beharreko bilaketa azaltzen du, alderdi ironikoak ere isladatzen direlarik. Javier Tomeo dugu lan honen egilea; bera da literatur espainiar garaikidearen ordezkari nagusienetakoa. Egile honen testuei dagokienez, orain artean egindako antzerki-egokitzapen guztiek, Europako antzoki guztietan arrakasta izugarria lortu dute.

Banaketa: Barbotegi - Concha Busto
Travesía del Tornado, 5-2º, 2ª
28760 Tres Cantos (Madrid)
Tfno.: 91 8036034 – 91 8062295
Fax: 91 8033227