Antzoki Zaharra/Teatro Principal K. Nagusia/C. Mayor, 3. Tel. 943 424126

Antzoki Zaharra 1850ean inauguratu zen, eta ordutik hona hainbat berritze lan egin dira bertan. Azkenekoaren ondorioz –M. Santo Domingo arkitektoak egin zuen-, Antzoki Zaharraren edukiera murriztu egin zen, eta gaur egun 500 ikuslerentzako edukiera du. Gaur egun zinema eta antzerkia tartekatzen ditu bere programazioan. Zinemari dagokionez, hor ditugu Nosferatu ziklo ospetsuak eta baita Fantasiazko eta Beldurrezko Zinemaldia ere. Arte eszenikoei dagokienez, berriz, ezin aipatu gabe utzi udako denboraldi komertziala, antzerki independientea eta euskal antzerkiaren programazioak.
C.C. Lugaritz K.E. Hériz, 20. Tel. 943 310780



Lugaritz 1993ko maiatzaren 30ean inauguratu zen, eta espazio eszeniko bat duen lehenengo kultur etxea izan zen. 240 lagunentzako edukiera du eta antzerki jarduera da bertako espezialitatea. Baditu zenbait programazio profesional atal honi dagokionez: formatu txikiko antzerkia, publiko gazteari zuzendua, eta haur antzerkia, batez ere euskaraz.
C.C. Egia K.E. Baztan, 21. Tel.: 943 291514


Egia espazio eszeniko moderoa dugu, 1998ko maiatzen zabaldu baitzen. Aretoan era askotako jarduerak egiten dira, eta hainbat agerpen eszeniko izaten dira bertan. 264 lagunentzako eserlukuak ditu, eta 500 lagun sar daitezke zutik. Progrmazioak, oro har, eszenaratze berritzaileenen aldeko apustua egiten du gehienbat, bai eta publiko gaztearentzat erakargarrienak diren proposamenen aldeko apustua ere.
Palacio Kursaal Jauregia Zurriola, 1. Tel.: 943 003000


Rafael Moneo arkitektoak “hondartutako bi haitz” bailiran asmatu zituen beira zeharrazgizko bi kuboak. 2000 urtean inauguratu zen. Aurten, Antzerki Feriaren zenbait emanaldi Kursaaleko Ganbera aretoan eta Entzutokian izango dira.